പൊരിവെയിലില്‍
വിയര്‍ത്തിട്ടും തളരാതെ
പര്‍വ്വത ശിഖരങ്ങള്‍ താണ്ടി
മേഘക്കീറുകളെ തൊട്ടുരുമ്മി
മുകളിലെത്തിയിട്ടും
മുകളിലും താഴെയും ചുറ്റും
അനന്തമായ ശൂന്യയിലും,
പാറക്കെട്ടുകളിലും കണ്ടില്ല
വനാന്തരങ്ങളും ഗുഹകളും പുഴകളും
മിനാരങ്ങളുടെ തിളങ്ങുന്ന പൊലിമയും
അള്‍ത്താരകളും കടന്ന്
ഇവിടെ ഈ സ്നാനഗൃഹത്തിന്റെ
പൊളിഞ്ഞ പൂപ്പല്‍ പിടിച്ച
ചെങ്കല്‍ വിടവിലൂടെ
അവസാനം ഞാനത് കാണുന്നു.
എന്നെ തന്നെ നോക്കിചിരിക്കുന്ന
തീരെ തുണിയുടുക്കാത്തൊരു സത്യം
No comments:
Post a Comment