നിത്യ പൂജ
അവളുടെ വീട്ടിൽ
ഓട്ടുരുളിയും
നിലവിളക്കും
പൊന്നിൻ നിറമുള്ള
വാൽ കിണ്ടിയും ഇല്ല .
വലിയ കസവുള്ള ചേലയില്ലാ
മുല്ലയില്ലാ മുറ്റത്ത് പൂക്കളില്ലാ,
അവൾക്കറിയില്ല
കദളിപ്പഴവും ഞാലിപ്പൂവനും
പാൽപ്പായസവും നവനീതവും ,
എന്നിട്ടും അവൾ
ബ്രഹ്മ മുഹൂർത്തത്തിൽ
ഉണർന്ന് അഗ്നി തെളിയിച്ച്
ധൂപത്തിലലിഞ്ഞു ചേർന്ന്
അടുക്കളയിൽ പൊങ്കാലയിടും
അതുകഴിഞ്ഞ്
സൂര്യ , വായു ദേവരുടെ
അനുഗ്രഹത്താൽ
പൊരിഞ്ഞ് വെന്ത്
നിത്യപൂജയുടെ
പൊടിയിലമരാൻ
നടന്നും ഓടിയും
കരിങ്കൽ ക്വാറിയിലേക്കും
ദീനം വന്നു ചത്ത
കെട്ട്യോന്റെ മുന്നിൽ
ഒരിക്കലവളും മാറത്തടിച്ച്
അലമുറയിട്ട് കരഞ്ഞത്
എന്റെ ഭഗവാനേ
എന്നായിരുന്നത്രേ
അവളുടെ വീട്ടിൽ
ഓട്ടുരുളിയും
നിലവിളക്കും
പൊന്നിൻ നിറമുള്ള
വാൽ കിണ്ടിയും ഇല്ല .
വലിയ കസവുള്ള ചേലയില്ലാ
മുല്ലയില്ലാ മുറ്റത്ത് പൂക്കളില്ലാ,
അവൾക്കറിയില്ല
കദളിപ്പഴവും ഞാലിപ്പൂവനും
പാൽപ്പായസവും നവനീതവും ,
എന്നിട്ടും അവൾ
ബ്രഹ്മ മുഹൂർത്തത്തിൽ
ഉണർന്ന് അഗ്നി തെളിയിച്ച്
ധൂപത്തിലലിഞ്ഞു ചേർന്ന്
അടുക്കളയിൽ പൊങ്കാലയിടും
അതുകഴിഞ്ഞ്
സൂര്യ , വായു ദേവരുടെ
അനുഗ്രഹത്താൽ
പൊരിഞ്ഞ് വെന്ത്
നിത്യപൂജയുടെ
പൊടിയിലമരാൻ
നടന്നും ഓടിയും
കരിങ്കൽ ക്വാറിയിലേക്കും
ദീനം വന്നു ചത്ത
കെട്ട്യോന്റെ മുന്നിൽ
ഒരിക്കലവളും മാറത്തടിച്ച്
അലമുറയിട്ട് കരഞ്ഞത്
എന്റെ ഭഗവാനേ
എന്നായിരുന്നത്രേ
No comments:
Post a Comment