ഒടുവിൽ കിട്ടിയ വാർത്ത
തീ തുപ്പിയ വസന്ത
മോഹങ്ങൾക്കൊടുവിലും
ചുമച്ച് ചോര തുപ്പി
വയസ്സൻ ജനാധിപത്യം
ഏന്തി വലിഞ്ഞ് നടക്കുന്നത് ,
പുത്തൻ പ്രതീക്ഷയുടെ
നറു മണം വിടർത്തിയ
മുല്ല പൂക്കളിൽ
ചോര പൊടിയുന്നത് ,
അടിമകൾക്ക് മോചനം
നൽകിയവരും പിന്മുറക്കാരും
ലോകം കാൽ കീഴിലാക്കാൻ
ഒടുങ്ങാതെ വെമ്പുന്നത്,
ഇന്നും വറ്റാത്ത ശീത
സമരത്തിന്റെ ചൂടിൽ
ഒരുകിയൊലിച്ച്
അലസിപ്പോയ സമാധാന
ഗർഭ ശ്രമങ്ങളും .
No comments:
Post a Comment